Bapak Tercepat Se-Papua

Ini cerita tentang Obed, Yaklep, dan Markus. Tiga sahabat dari tanah Papua, memperdebatkan bapak siapa yang paling cepat se-Papua.

“Wei, kalian tau ka tida, sa pikir-pikir sa pu Bapa itu sudah paling cepat se-Papua. Sa pu Bapa atlit panah too, jadi setelah Bapa de lepas itu panah, Bapa lari sampe lebe dolo daripada itu panah. Bagemana, mantap tooo sa pu Bapa?

Markus segera menimpali, “Aaah…itu su biasa, kawan. Coba ko dengar ini, sa pu Bapa ni seorang pemburu. Setelah Bapa tembakkan Bapa pu peluru, Bapa de lari dan bisa sampe lebe cepat daripada itu peluru. Mamaaaeee itu sa pu Bapa de paling cepat tooo. Bagemana?”

“Adooooh. Sudah, ko dua pu Bapa mase kalah cepat deng sa pu Bapa,” ketus Yaklep. “Sa pu Bapa ni seorang pegawai negeri tooo, de pu jam pulang kantor itu sebenarnya jam 5 sore, tapi de su sampe di rumah tu jam 4 soree. Cepat tooo?!”

Kontan saja Obed and Markus pun protes, “Iyoooo, Yaklep, ko pu Bapa tu paling cepat sedunia sudah. Cukarbeleeng!!”

Foto ilustrasi: bastamanography.id

Berikan Pendapat Anda